Curso de violencia sobre a muller

Curso de violencia sobre a muller

O Consello da Avogacía Galega, na súa plataforma formativa, está a desenvolver o Curso de violencia sobre a muller.

É gratuíto para avogados/as exercentes e ten máis de 1200 alumnos e alumnas.

O Curso conta coa colaboración da Secretaría Xeral da Igualdade da Xunta de Galicia e foi elaborado a partir dun programa aprobado polo CGAE (Consejo General de la Abogacía Española) e rediseñado pola Comisión de Formación do Consello da Avogacía Galega.
O Curso estará aberto ata decembro de 2016 e supón unha carga lectiva de 250 horas.

A elaboración do Curso desenvolveuse durante case que un ano pois a materia e, en especial, a LO 1/2004, de medidas de protección integral da muller vítima da violencia de xénero,  foi profundamente afectada en 2015 por diversas e sucesivas leis estatais e autonómicas. Entre outras:

  • Lei do estatuto da vítima
  • Lei de protección da infancia e a adolescencia
  • Reforma da Lei de Xurisdición voluntaria
  • Reforma penal
  • Reforma das Leis de Axuizamento civil e criminal
  • Reforma do Código civil.
  • Decreto lexislativo autonómico 2/2015, que aproba o Texto Refundido das normas en materia de Igualdade, que foi publicado hai escasos días no DOG.

Os materiais utilizados forman parte dun completo repositorio de documentos: normas, sentenzas, informes, artigos, manuais, guías, estatísticas, etc. Moitos deles foron facilitados polo Observatorio Estatal de Violencia sobre la Mujer, a través da Subcomisión de violencia de xénero do CGAE. Algúns deses materiais, como os relativos aos protocolos policiais ou a parte de normativa e medidas administrativas da C.A. de Galicia, son inéditos.

O equipo de redacción, de carácter multidisciplinar, está formado por persoas que responden a perfís distintos segundo a planificación, desde os elaboradores ata os revisores de contidos.

 

Comments are closed

Uso de cookies

En esta página web utilizamos cookies para recopilar datos sobre hábitos de navegación consecuencia del uso de cookies analíticas de Google y de redes sociales. Para aceptar su uso pulsa “ACEPTAR”. Más información en la Política de Cookies. ACEPTAR

Aviso de cookies