Cursos anteriores

O modelo Bridge axuda a comprender que cada persoa ten un estilo de comunicación diferente, aínda que todos posuamos uns rasgos comúns. Este modelo ensínanos a identificar a nosa forma de relacionarnos, as súas características e as súas áreas de eficacia e ineficacia. Tamén permítenos descubrir a preferencia relacional dos demais, o que axuda enormemente a comunicarnos, xa que podemos adaptarnos ao outro para que a conversa sexa eficaz.

Este curso presentouse en modalidade presencial, nunha xornada formativa de 4 horas, desenvolvéndose nos Colexios de avogados de Ferrol e Pontevedra. A súa impartición correu a cargo de Alejandra Sánchez Barge, de Bével Consultores SL, especializada no entrenamento de habilidades a través da formación e o coaching.

 

Guía do curso

oratoriaNos procesos xudiciais regulados no ordenamento xurídico español prevalece o principio de oralidade. Por iso, o coñecemento, aprendizaxe e posta en práctica das normas da oratoria é imprescindible para os profesionais da avogacía.

Este curso presentouse en modalidade semipresencial (B-learning), cunha parte teórica en liña (30 horas) e outra práctica presencial (12 horas):

  • Os contidos teóricos xurdiron dunha colaboración entre Thomson Reuters Aranzadi e o Consello da Avogacía Galega. Estiveron dispoñibles na plataforma formativa do CAG, ao igual que os cuestionarios de autoavaliación e outros materiais adicionais.
  • Os talleres prácticos correron a cargo de Bével Consultores SL, especializados no entrenamento de habilidades a través da formación e o coaching. Tratouse de 3 sesións formativas cun máximo de 20 participantes por sesión, a desenvolver nos diferentes Colexios de avogagos/as galegos.

 

Guía do curso

ESTRANXEIRIAO Consello da Avogacía Galega, no exercicio das súas competencias, entre as que se atopan “a formación e perfeccionamento profesional” (artigo 5 do seu Estatuto), presentou a segunda edición actualizada do Curso de Dereito de Estranxeiría, que permitiu ao profesional adquirir os coñecementos necesarios neste eido a través dunha formación homologada, e acreditalo para acceder ás listaxes especiais da quenda de oficio, cando lle fora esixido.

Ao igual que na edición anterior, dadas as boas críticas do alumnado, o director científico do curso e autor do material formativo foi Juan José Vázquez Rodríguez, asesor xurídico e xefe da Unidade de Asesoramento ás Migracións do Concello da Coruña. O temario actualizouse con novos epígrafes e as modificacións lexislativas que afectaban á materia.

A formación foi impartida integramente en liña e supuxo 100 horas lectivas.

 

Guía do curso

reformacpO 1 de xullo do 2015 entrou en vigor a Lei Orgánica 1/2015 da reforma do Código Penal.

O Código, aprobado pola Lei Orgánica 10/1995, foi obxecto dunha profunda revisión e actualización, adaptándose aos novos tempos: introducíronse novas figuras delituosas e adecuáronse os tipos penais existentes para ofrecer unha resposta máis axeitada ás novas formas de delincuencia, ao mesmo tempo que se suprimiron infraccións que, debido á súa escasa gravidade, o lexislador entendeu que non merecían reproche penal.

Todas estas novidades foron analizadas neste curso de 60 horas, impartido integramente en liña.

Esta formación xurdiu dunha colaboración entre o Consello da Avogacía Galega e a editorial Thomson Reuters Aranzadi, que puxo á nosa disposición parte do seu catálogo formativo para chegar ao maior número de colexiados e colexiadas no ámbito territorial da Comunidade Autónoma de Galicia.

 

Guía do curso

xurisdicionEste curso buscou formar aos letrados e letradas nas actualizacións acaecidas pola publicación da Lei 15/2015 da Xurisdición Voluntaria, que desxudicializa determinadas actuacións que antes eran de competencia exclusiva dos xuíces e pasaron a ser competencia dos letrados da Administración de Xustiza, notarios e rexistradores da propiedade.

A formación foi impartida integramente en liña e supuxo 60 horas lectivas.

Esta formación xurdiu dunha colaboración entre o Consello da Avogacía Galega e a editorial Thomson Reuters Aranzadi, que puxo á nosa disposición parte do seu catálogo formativo para chegar ao maior número de colexiados e colexiadas no ámbito territorial da Comunidade Autónoma de Galicia.

 

Guía do curso

violenciaO Consello da Avogacía Galega organizou un curso de violencia sobre a muller, dirixido especialmente aos letrados e letradas que pretendían acceder ou permanecer na listaxe especial de violencia sobre a muller da quenda de oficio.

O curso presentou un programa formativo de 250 horas lectivas, impartidas integramente en liña, e contou con máis de 1200 alumnos e alumnas do Colexios de avogados de Galicia.

O equipo de redacción, de carácter multidisciplinar, estivo formado por persoas que respondían a perfís distintos segundo a planificación, desde os elaboradores ata os revisores de contidos.

 

Guía do curso

familiar Despois da boa acollida do curso de Mediación impartido entre o 2013 e o 2014, o Consello da Avogacía Galega organizou unha especialización da materia nos ámbitos familiar e, de forma máis sucinta, penal e penitenciario.

O curso impartiuse integramente en liña, desde xullo do 2015 ata marzo do 2016, e supuxo 75 horas lectivas que desenvolveron case 420 profesionais da avogacía galega.

Formadores:

Mediación familiar: Elena Gómez-Segade González e Esther Pérez Marcos, avogadas-mediadoras. María Filomena Garrido Blanco, psicóloga-mediadora.

Introdución á mediación penal e penitenciaria: Cándido Soria, avogado-mediador.

 

Guía do curso

menores O Dereito penal de menores é unha disciplina que está a acadar un gran desenvolvemento nos últimos anos, debido á preocupación que amosa a sociedade ante o fenónemo da delincuencia xuvenil e as súas novas manifestacións.

Este curso, impartido integramente en liña e cun total de 50 horas lectivas, desenvolveuse desde xullo do 2015 ata marzo do 2016 e contou coa participación de 780 alumnos/as.

Os formadores foron Vicente Bellón Martínez -avogado e director do curso- e Sergio Aramburu Guillán -avogado, Secretario técnico do Consello da Avogacía Galega e colaborador na parte técnico-xurídica-.

 

Guía do curso

estranxeiriaCurso de 100 horas de duración e realizado integramente en liña. A súa superación habilita para pertencer ás listas especiais da Quenda de Oficio dos Colexios galegos nesta materia.

O director do curso foi Juan José Vázquez Rodríguez, asesor da Unidade de Migracións do Concello da Coruña.

A actividade formativa comezou en novembro do 2014 e rematou en maio do 2015. Contou coa participación de máis de 1000 profesionais da avogacía galega.

 

Guía do curso

Shaking handsEste curso, homologado polo Ministerio de Xustiza, realizouse entre os anos 2013 e 2014 e contou cunha parte teórica en liña, de 67 horas, e unha parte práctica, de 35 horas. En total 102 horas que serviron para acreditar ao titulado como Mediador no rexistro do Ministerio de Xustiza.

A coordinadora do curso foi Rosa Sánchez González-Dans, avogada-mediadora. Os talleres prácticos foron desenvolvidos por numerosos profesionais do eido da mediación, a través da técnica do role playing.

En total, aproximadamente 900 avogados e avogadas galegos recibiron formación a través deste curso. Sobre 600 alumnos acadaron o número de horas mínimo (100 horas) para poder inscribirse no Rexistro de Mediadores e Institucións de Mediación do Ministerio de Xustiza.

 

Guía do curso

 

Acceso á aula virtual

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, prema na ligazón para máis información.