Os días 18 e 19 de febreiro terá lugar unha nova edición das Xornadas de Dereito de Familia, organizadas polo Ilustre Colexio Provincial de Avogados da Coruña e polo Consello da Avogacía Galega, coa colaboración da Asociación Española de Abogados de Familia (AEAFA).
A través das súas anteriores edicións, estas Xornadas convirtíronse nun punto de encontro de referencia para os profesionais do Dereito de Familia. Nesta ocasión, abordaranse cuestións de máxima actualidade do Dereito de Familia como novidades legais e xurisprudenciais sobre a situación do menor, técnicas de comunicación, conflitos familiares internacionais e a violencia de xénero.
Ademais prestarase especial atención ao novo paradigma que en materia de discapacidade instaura a Lei 8/2021; pola súa grande trascendencia adicaremos a esta materia de xeito íntegro a xornada do sábado 19.
