21 de xaneiro, Día Europeo da Mediación

A celebración deste día coincide coa data de aprobación do primeiro texto lexislativo sobre mediación familiar en Europa. O 21 de xaneiro de 1998, o Comité de Ministros do Consello de Europa aprobou a Recomendación R(98) sobre Mediación Familiar.

Dende entón, esta ferramenta alternativa de resolución de conflitos foise consolidando nos eidos Familiar, Civil e Social, Mercantil e Penal, grazas ao impulso das institucións xudiciais e da avogacía.

A mediación consiste nun proceso voluntario no que as partes implicadas traballan para acadar unha solución válida para ambas, coa axuda do/a mediador/a, quen lles orienta e axuda a chegar a un acordo consensuado.

Recursos sobre mediación:

• Lexislación

España

– Lei 5/2012, do 6 de xullo, de mediación en asuntos civís e mercantís

– Real Decreto 980/2013, do 13 de decembro

Galicia

– Lei 4/2001, do 31 de maio, reguladora da mediación familiar

– Decreto 159/2003, do 31 de xaneiro, polo que se regula a figura do mediador familiar, o Rexistro de Mediadores Familiares de Galicia e o recoñecemento da mediación gratuíta

• Lista de reprodución en Youtube do Consello da Avogacía Galega con simulacións en mediación

• Na páxina do CGAE, Consello Xeral da Avogacía Española, pódese atopar unha relación dos eventos celebrados nalgúns dos diferentes Colexios de Avogados de España, co gallo do Día Europeo da Mediación.