O 17 de xuño do 2003, a Xunta de Galicia e o Consello da Avogacía GAlega asinaron un convenio de colaboración para a aplicación das novas tecnoloxías da información nos procedementos de xestión tributaria. Dito convenio renovouse pola Axencia Tributaria de Galicia e o Consello o 18 de xuño do 2020.
Así, esta colaboración posibilita a solicitude telemática do trámite de alta como colaborador/a social.
Os interesados e as interesadas poden realizar a solicitude remitindo un correo ao seguinte enderezo: colaboracion.social.sscc@atriga.es.
Deben enviar a seguinte documentación:
- Solicitude de acceso debidamente cuberta e asinada electronicamente.
- Ficha de usuario debidamente cuberta.
- Certificado actual do Consello da Avogacía Galega: para acadalo, deberán remitir o seu certificado de colexiación ao enderezo consello@avogacia.gal, indicando como motivo do envío a solicitude de certificado acreditativo para poder actuar como colaborador/a social na ATRIGA.
A tramitación da alta tardará entre 24 e 48 horas desde o envío da documentación.
