O 11 de maio o Consello da Avogacía Galega asinou un convenio coa Vicepresidencia Segunda e Consellería de Presidencia, Xustiza e Deportes para o desenvolvemento de accións de atención profesional a persoas menores de idade vítimas de situacións de violencia.
O obxecto deste convenio é establecer as condicións polas que se rexerá a colaboración entre a Xunta de Galicia, a través da Vicepresidencia Segunda e Consellería de Presidencia, Xustiza e Deportes, e o Consello da Avogacía Galega para a posta en marcha de accións dirixidas á atención xurídica ás persoas menores de idade vítimas de situacións de violencia e á formación dos avogados e avogadas nese ámbito, de maneira tal que as persoas menores de idade vítimas de situacións de violencia disporán sempre dun avogado especializado que as asista en relación coa denuncia e asesoramento xurídico e acompañamento iniciais, e con independencia de que a vítima teña ou non recursos para litigar.
Consultar outros convenios asinados polo Consello da Avogacía Galega
