Preocupación do Consello da Avogacía Galega polo fallo de seguridade de LexNET

Preocupación do Consello da Avogacía Galega polo fallo de seguridade de LexNET

Desde a máxima institución da avogacía en Galicia pídese unha verdadeira transformación dixital cunha aplicación segura e que cumpra a súa función

 

A Coruña, 31 de xullo de 2017. En relación ao fallo de seguridade descuberto o pasado xoves na aplicación LexNET, o Consello da Avogacía Galega amosa a súa preocupación ante a posibilidade de que calquera persoa poida acceder aos escritos e documentos xudiciais.

Nese sentido, o Consello da Avogacía Galega quere manifestar:

 

  • O Servizo Público da Xustiza, alicerce do Estado de Dereito, esixe que os procedementos, en todas as súas fases, cumpran a Lei e o Esquema Nacional de Seguridade, que LexNET non respecta.

 

  • A Administración debe garantir á Avogacía, ao resto de operadores xurídicos e á cidadanía que os accesos á plataforma LexNET son axeitados e seguros.

 

  • O Consello quere chamar a atención sobre feito de que a Avogacía incorporouse á transformación dixital, mediante o uso xeneralizado da sinatura electrónica e da plataforma de comunicación, LexNET, imposta pola Administración, pero que esta non cumpriu a súa parte: nin os sistemas de xestión procesual nin a dita plataforma están á altura das circunstancias que a sociedade dixital esixe.

 

  • O fallo de seguridade é unha mostra máis dos problemas de LexNET que a avogacía sinalou en diferentes ocasións con anterioridade. A Administración debe apostar pola verdadeira transformación dixital cun sistema de xestión integral, seguindo exemplos próximos como o de Navarra (Avantius) ou Portugal (Citius). LexNET é unha aplicación insegura, que nace obsoleta, polo que debe ser suspendida e substituída axiña sexa posible.

 

  • O Consello insta ao Ministerio de Justicia para que canto antes restableza o funcionamento da Xustiza, para que poida desenvolverse en condicións de seguridade.

 

Ler comunicado en castelán

Comments are closed

Uso de cookies

En esta página web utilizamos cookies para recopilar datos sobre hábitos de navegación consecuencia del uso de cookies analíticas de Google y de redes sociales. Para aceptar su uso pulsa “ACEPTAR”. Más información en la Política de Cookies. ACEPTAR

Aviso de cookies