O Consello da Avogacía Galega valora de maneira positiva o plan de recuperación dos xulgados da Xunta de Galicia

A Coruña, 15 de outubro de 2018. O Consello da Avogacía Galega valora de maneira positiva o plan de recuperación da Administración de Xustiza presentado pola Xunta de Galicia co obxectivo de recuperar a actividade atrasada dos xulgados con motivo da folga de Xustiza de meses pasados.

 

Este plan foi presentado á avogacía galega polo vicepresidente da Xunta e Conselleiro de Administracións Públicas e Xustiza, Alfonso Rueda Valenzuela, nunha xuntanza mantida a semana pasada con representantes do Consello da Avogacía Galega. Nesta reunión avanzáronse algunhas das liñas a executar pola Xunta que reforzarán a labor en casi un centenar de xulgados da comunidade autónoma.

 

Desde o Consello da Avogacía Galega valóranse de maneira positiva as medidas propostas, dado que están dirixidas a recuperar a normalidade dos xulgados, que non hai que esquecer que xa estaban sobrecargados antes da folga.

 

O Consello confía no compromiso de todos os órganos e axentes implicados, para o éxito do plan. A Avogacía Galega agradece a disposición da Xunta de Galicia de recuperar o funcionamento da Administración de Xustiza e poder desenvolver este servicio fundamental nas condicións adecuadas como resposta ao parón de 114 días de principios deste ano 2018.

 

Leer comunicado de prensa en castellano

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, prema na ligazón para máis información. ACEPTAR

Aviso de cookies