Hoxe foi día de eleccións no Colexio de Avogados da Coruña. Despois dunha xornada cunha asistencia masiva de votantes, Agusto Pérez-Cepeda Vila foi elixido decano. Obtivo un total de 1311 votos, fronte aos 694 de Rafael Arangüena Sande, o outro candidato ao decanato.
Declaración do Consello sobre a reforma das taxas xudiciais
Respecto da modificación da Lei de Taxas operada por Real Decreto-Lei ditado o pasado venres, 27 de febreiro de 2015, o Consello da Avogacía Galega quere manifestar o seguinte:
Dende que a avogacía institucional tivo noticia da intención do Goberno de España de instaurar de forma xeralizada as taxas xudiciais, nunha contía fóra de todo límite razoable, foron constantes os nosos actos e manifestacións públicas de protesta, pedindo a súa derrogación e eliminación.
O Consello valora positivamente a modificación da coñecida coma Lei de Taxas xudiciais, algo máis de dous anos despois da súa publicación.
A modificación realizouse mediante a técnica do Real Decreto-Lei, probablemente ante a inminencia da resolución polo Tribunal Constitucional dos recursos interpostos contra ela por diversos partidos e entidades e nas proximidades das datas electorais. Así, ademais, o Goberno evita en gran medida os trámites parlamentarios, nos que tería que explicar o erro e a rectificación. A convalidación do Real Decreto-Lei, non obstante permitirá certo grao de debate parlamentario
Velaí a entrevista concedida por Nieves Santomé, Presidenta do Consello da Avogacía Galega
Este ano convócase a proba de acceso á profesión de avogado con so tres meses de antelación, e cambiando o programa con respecto ao do ano anterior. Isto foi obxecto de numerosas e comprensibles críticas.
Como novidade positiva, en Galicia celebrarase unha das convocatorias
So unha das 6 persoas integrantes do tribunal é profesional da avogacía. A súa designación realizarase polo Consejo General da Abogacía Española
Podes consultar a convocatoria premendo nesta ligazón
Para o trámite de inscrición preme aquí:
Se che vas presentar, … moita sorte!
Case 800 colexiados (780) participaron nas eleccións á Xunta de Goberno no Colexio de Avogados de Vigo, celebradas o venres 19 de novembro. Os candidatos que optaron ao decanato foron Lourdes Carballo, Josefina Barros e Miguel Hinrichs.
