Conferencias en liña en materia de vivenda

O Consello da Avogacía Galega asinou un convenio de colaboración co Instituto Galego de Vivenda e Solo para prestar un servizo de asesoramento, intermediación e orientación xurídica en materia de vivenda.

Froito dese Convenio xurden estas conferencias sobre a Lei polo dereito á vivenda, gratuítas e abertas a todos e todas as profesionais da avogacía galega, para mellorar a súa formación en materia de vivenda.

Esta formación, de carácter gratuíto, está dirixida ás avogadas e aos avogados pertencentes aos colexios da avogacía de Galicia e alumnado do Mestrado de Acceso á Avogacía interesados na materia de vivenda.

Información de interese

• 1ª Conferencia:
  • «Preguntas e respostas ante a okupación ilegal de inmobles. Solucións ante o impagamento de rendas e a inquiokupación. A súa regulación na nova Lei de medidas de eficiencia procesual»
  • Vicente Magro Servet, maxistrado do Tribunal Supremo.
  • Data: 19 de decembro.
  • Horario: de 17.00 a 19.00 h.

• 2ª Conferencia:
  • «A Lei polo dereito á vivenda (Lei 12/2023) tras máis de ano e medio de aprobación: efectos»
  • Juan José Yáñez Martínez, avogado e Secretario Xeral de APROINCO (Asociación Provincial de Promotores Inmobiliarios da Coruña).
  • Data: 26 de decembro.
  • Horario: de 16.00 a 17.00 h.

Inscrición

Aquelas e aqueles interesados en inscribirse no programa de clases en liña deberán premer AQUÍ e cubrir o formulario.

O rexistro a través do formulario dará dereito ao acceso a ambas as dúas conferencias en liña do programa. Non será preciso repetir a inscrición para cada xornada.