Servizo de asesoramento en materia de vivenda 2023

Este convenio estará vixente desde o 2 de febreiro até o 31 de decembro do 2023.

O Consello da Avogacía Galega asinou un convenio de colaboración co IGVS (Instituto Galego de Vivenda e Solo), organismo autónomo adscrito á Consellería de Medio Ambiente, Territorio e Vivenda, para crear as canles de información necesarias para evitar que persoas en situación de desamparo perdan a súa vivenda habitual ou, no seu caso, poidan acollerse aos programas existentes en materia de acceso á vivenda, así como para posibilitar que as persoas físicas propietarias ou usufrutuarias de vivendas que sexan ocupadas ilegalmente saiban como actuar ante esta situación.

Como froito dese convenio, póñense a disposición da cidadanía dúas vías para solicitar o servizo de asesoramento gratuíto:

• Formularios web. As consultas realizadas serán respondidas polo letrado/a de garda dentro das 48 horas seguintes ao envío da consulta.
  • Formulario en materia de ocupación ilegal da vivenda
  • Formulario en materia de desafiuzamentos
• O teléfono 900 121 221. O horario de atención será de luns a venres, en horario de 10:00 a 14:00 horas e de 16:00 a 20:00 horas, e os sábados, de 10:00 a 14:00 horas.

Consultar texto convenio

Consultar addenda ao Convenio

Consultar outros convenios asinados polo Consello da Avogacía Galega

Guías informativas

O CAG elaborou dúas guías informativas referidas aos trámites de carácter administrativo ou xudicial no ámbito relacionado cos dereitos e obrigas das persoas afectadas por desafiuzamentos ou ocupación ilegal da vivenda.

Desafiuzamento de vivendas. Guía informativa para persoas afectadas

A ocupación ilegal da vivenda. Guía informativa para persoas afectadas