ABERTO PRAZO DE MATRÍCULA ATÉ O 8 DE NOVEMBRO
Ser un despacho competente é necesario, pero non é suficiente para ter éxito.
Aínda que se conte
co mellor equipo ou se preste o mellor servizo: resulta vital, ademais, coñecer
e aplicar técnicas de mercadotecnia que nos axuden a facer visible o noso
despacho e consolidar a nosa imaxe de marca.
Así, neste curso preséntanse as tendencias e os novos modelos de negocio na avogacía, xunto coas habilidades profesionais necesarias e demandadas, para despois abordar como elaborar estratexias de marketing adaptadas aos despachos no contexto actual.
Ademais, contamos coa mellor e máis reputada especialista en comunicación dos despachos da avogacía: Lidia Zommer.
Características do curso:
- Modalidade: en liña.
- Metodoloxía: material de consulta en formato PDF e presentacións interactivas (SCORMs), con cuestionarios de autoavaliación. Webinars de asistencia voluntaria.
- Nº horas: 50.
- Prezo:
- 70 € Colexiados/as exercentes e non exercentes dos Colexios da Avogacía galegos.
- 50 € Alumnos/as do Mestrado da Avogacía e alumnado de Dereito das universidades galegas.
- Lugar de matrícula: https://formacion.avogacia.gal.
- Webinars a cargo de Lidia Zommer, especialista en comunicación dos despachos da avogacía:
- 8 de novembro, de 16 a 17 h.: Por que un avogado necesita saber marketing?
- 9 de novembro, de 16 a 17 h.: Plan de marketing: Como saber que hai que facer
- 22 de novembro, de 16 a 17 h.: Marketing de contidos: Como demostrar o teu valor antes de que te contraten
- 23 de novembro, de 16 a 17 h.: Como debe ser a web dun avogado para conseguir clientes?
- 29 de novembro, de 16 a 17 h.: Redes sociais e publicidade dixital: Como difundir a túa mensaxe e conectar coas persoas que interesan
- 30 de novembro, de 16 a 17 h.: Email marketing: Como manterte na mente dos teus contactos
Para máis información:
Esta actividade formativa está organizada polo Consello da Avogacía Galega, en colaboración cos Colexios da Avogacía de Galicia.
Acceso á aula virtual
ou no teléfono 981 121 893.
