Acceda a la información del servicio en español
Descrición:
A Lei de Axuizamento civil, logo da reforma operada pola Lei polo dereito á vivenda, establece un procedemento de conciliación ou intermediación que deberán establecer as administracións públicas competentes nos procesos de desafiuzamento cando concorran as seguintes circunstancias:
No que respecta á comunidade autónoma de Galicia, a Xunta de Galicia estableceu o procedemento de intermediación a través dun convenio asinado entre o Instituto Galego da Vivenda e Solo e o Consello da Avogacía Galega (CAG).
Dito convenio establece que o servizo de intermediación prestarase a través do Instituto Galego de Mediación e Arbitraxe (INGALMAR), dependente do CAG, e os colexios da avogacía de Galicia, a través dos seus respectivos servizos de mediación.
Solicitude de iniciación:
Se desexa iniciar ese procedemento de intermediación, deberá encher o seguinte formulario (deberá identificarse mediante certificado dixital):
FORMULARIO PARA SOLICITAR PROCEDEMENTO DE INTERMEDIACIÓN
– Lembre asinar o formulario antes de pechar a sesión –
Taxas do servizo de intermediación:
O Servizo ten una taxa para o solicitante de 50 euros (non suxeita a IVE) polos trámites de iniciación, que deberá ingresar no seguinte número de conta, indicando como concepto «Intermediación + Nome do vulnerable»: ES73 2080 3808 8530 4001 5731
Unha vez iniciado o procedemento, infórmase de que cada sesión de mediación terá un custe de 50 euros, aos que se aplicarán a retención e o IVE correspondentes, prevéndose un máximo de dúas sesións por procedemento.
A Xunta de Galicia subvencionará, mediante o convenio asinado entre o Consello da Avogacía Galega e o IGVS, a parte correspondente á persona ocupante da vivenda en situación de vulnerabilidade
O xustificante de pagamento deberá anexarse á solicitude de procedemento de intermediación.
Dúbidas:
En caso de calquera dúbida, pode poñerse en contacto co Consello polos seguintes medios:
– Teléfono 981 120 884
– Contacto para consultas.
