Skip to main content

Xuntanza entre o Consello da Avogacía Galega e representantes do comité de Folga de Xustiza

Nota de prensa

 

A Coruña, 2 de abril de 2018. Na mañá de hoxe, día 2 de abril, tivo lugar unha xuntanza entre o Consello da Avogacía Galega e o comité de folga de Xustiza, na sede do Consello na Coruña. O presidente do Consello, Félix Mondelo Santos, acompañado polo decano do Colexio de Avogados da Coruña, e coa delegación dos outros 5 decanos e decanas de Galicia, atendeu durante ao redor de hora e media aos representantes sindicais que conforman o comité. Leer más

O Tribunal Supremo senta xurisprudencia en materia de gastos hipotecarios

A metade do gasto notarial de constitución da hipoteca corresponde ao banco

O Pleno da Sala Primeira, do Civil, do Tribunal Supremo ven de ditar no día de hoxe, 28 de febreiro de 2018,  dúas importantes sentenzas correlativas en materia de consumo, relativas á reclamación á entidade bancaria dos gastos de constitución do préstamo hipotecario aboados polo cliente consumidor. Resólvense así unha parte dos supostos de dúbida respecto á cuestión de a quen corresponde aboar eses gastos, e, esperamos, servirá para diminuir o número de litixios. Algo que non evitou nin a morna actuación da Administración en materia de Consumo, nin a irracional medida da creación, polo CGPJ, dos xulgados uniprovinciais, actualmente recorrida en vía contencioso administrativa polo Consello da Avogacía Galega, perante o propio Tribunal Supremo
Leer más

Plan Estratéxico da Avogacía 2017-2020

Cinco eixes estratéxicos para traballar por unha Xustiza máis áxil, moderna e eficaz: unha avogacía confiable e preparada, unha avogacía defensora e garante do servizo público da Xustiza, unha avogacía comprometida cos dereitos dos cidadáns, unha avogacía innovadora e tecnoloxicamente avanzada e unha avogacía europea con visión global Leer más

Victoria Ortega reclama un Pacto de Estado para crear unha Xustiza “que mereza tal nome»

A nova presidenta do Consejo General de la Abogacía, Victoria Ortega, reclamou durante a toma de posesión do seu cargo un Pacto de Estado pola Xustiza cun obxectivo «claro e posible: configurar, mediante consenso, un modelo de administración de Xustiza que mereza tal nome dentro dun verdadeiro Estado Social e Democrático de Dereito; un Pacto para sacar á Xustiza do Século XIX e levala definitivamente ao século XXI; un Pacto presidido non por criterios de oportunidade política, senón desde o coñecemento da realidade dos nosos xulgados e do traballo de todos os que actuamos na devandita administración, e en ningún caso desde actitudes compracentes que a longo prazo deriven nunha maior e máis profunda insatisfacción do cidadán». Leer más

Asistencia a refuxiados

 

O Consello Xeral da Avogacía Española ven de por en marcha un Rexistro de avogados especializados en materia de inmigración e asilo que se porá a disposición das autoridades españolas e da UE para abordar a asistencia xurídica de potenciais refuxiados e persoas desprazadas.

O Consello da Avogacía Galega secunda esa iniciativa e artellará as accións na nosa comunidade autónoma.

Esa asistencia prestarase tanto a nivel nacional e local, como nos denominados hotspots (puntos quentes europeos) para colaborar in situ cos avogados e autoridades dos países afectados se así o demandasen.

Os avogados que desexen formar parte deste rexistro deben dirixirse a registro.asilo@abogacia.es.

Leer más

Uso de cookies

En esta página web utilizamos cookies para recopilar datos sobre hábitos de navegación consecuencia del uso de cookies analíticas de Google y de redes sociales. Para aceptar su uso pulsa “ACEPTAR”. Más información en la Política de Cookies. ACEPTAR

Aviso de cookies