Skip to main content

Comunicado do Consello da Avogacía Galega sobre a pandemia COVID-19

 
 

COMUNICADO

O Consello da Avogacía Galega, en relación á situación de pandemia por contaxio do coronavirus COVID-19, adoptou no día de hoxe os seguintes acordos:

 

  1. Apoiar as medidas adoptadas polos colexios da avogacía de Galicia, e as que se adopten no futuro, respecto da necesidade de contención da pandemia e da evitación de situacións de risco de contaxio para o público en xeral, o persoal laboral dos colexios e os profesionais. Nese sentido, este Consello entende acertada a suspensión ou cancelación de actos e eventos, a limitación da atención presencial ao público, mesmo as do Servizo de Orientación Xurídica, e aos colexiados/as e as demais medidas no mesmo sentido.
  2. Solicitar ao Tribunal Superior de Xustiza de Galicia a suspensión de todos os actos xudiciais e sinalamentos previstos ata o final do presente mes de marzo, excepto as causas penais con detido ou preso, sen prexuízo de que sexa necesario prorrogar a medida, para non comprometer as medidas preventivas establecidas polas autoridades sanitarias para a contención da propagación da pandemia. Manter a celebración de actos públicos nos edificios xudiciais pon en risco de contaxio ao persoal da administración de xustiza e aos seus usuarios e usuarias, así coma tamén aos profesionais, quen teñen, ademais, que preparar tales actos, celebrar reunións cos clientes, peritos e outros profesionais, e realizar desprazamentos. Actos todos eles desaconsellados polas autoridades sanitarias.
  3. Consonte o expresado no punto anterior, este Consello dirixirá unha comunicación ao Tribunal Superior de Xustiza de Galicia para que, como complemento dos acordos da Presidencia do día de onte, e ao abeiro da Instrución de 11 de marzo do Consello Xeral do Poder Xudicial, acorde ou autorice a suspensión de todos os xuízos, vistas, comparecencias, declaracións e sinalamentos nos xulgados e tribunais de Galicia, con excepción das causas con presos o asistencia a detidos.
  4. Apoiar e amparar aos profesionais da avogacía de Galicia no seu labor de defensa dos dereitos e intereses da cidadanía, en condicións suficientes de salubridade e dignidade e prestarlles o apoio necesario para a efectividade de tal dereito.
  5. Dar difusión aos acordos adoptados.

A Coruña, 13 de marzo de 2020

Descarga documento

 

Curso de Dereito das Novas Tecnoloxías da Información e Comunicación

AMPLIAMOS O PRAZO DE INSCRICIÓN ATA O 15 DE OUTUBRO

Este curso pretende abordar dunha forma clara e sistemática,  pero sobre todo dunha forma completa e rigorosa, as principais cuestións prácticas relativas ao Dereito e as tecnoloxías da información e a comunicación (as chamadas TICs) coas que un xurista pode atoparse no desenvolvemento da súa actividade profesional.

Leer más

Curso de Protección de Datos

AMPLIAMOS O PRAZO DE INSCRICIÓN ATA O 15 DE OUTUBRO

A chegada da era dixital supuxo cambios na forma na que nos relacionamos. Cada día é máis habitual que a comunicación se realice a través das tecnoloxías da información e das comunicacións (TICs). Redes sociais, chats, WhatsApp, etc., son os nosos mecanismos de comunicación do día a día.

Leer más

Curso de Dereito de Estranxeiría 2019

AMPLIAMOS O PRAZO DE INSCRICIÓN ATA O 15 DE OUTUBRO

Segundo regula o artigo 30 do Regulamento de Xustiza Gratuíta de Galicia, corresponde ao Consello da Avogacía Galega ofrecer aos avogados e avogadas da Quenda de Oficio unha formación suficiente que garanta a prestación da asistencia xurídica gratuíta consonte a uns estándares de calidade axeitados.

En exercicio desas competencias en materia de formación da avogacía, o Consello presenta unha nova edición deste curso, en modalidade en liña, que permitirá ao profesional adquirir os coñecementos necesarios neste eido, e acreditalos para acceder ás listaxes especiais da Quenda de Oficio, cando lle fora esixido.


De interese:

  • Coordinación: Juan José Vázquez Rodríguez, asesor xurídico e xefe da Unidade de Asesoramento ás Migracións do Concello da Coruña.
  • Autoría dos materiais:
    • Juan José Vázquez Rodríguez é autor dos módulos 1 ao 6 do curso, desde a primeira edición do curso, no ano 2013. O temario actualizouse con novos epígrafes e as modificacións lexislativas que afectan á materia.
    • O módulo 7, de trata de seres humanos, é de elaboración propia e contou coa colaboración de Elsa Antonia Mateo Díaz, avogada especializada en estranxeiría, inmigración e Dereito penal.
  • Modalidade: en liña.
  • Nº horas: 100.
  • Prezo:
    • De balde, para colexiados/as exercentes e alumnos/as do Máster da Avogacía.
    • 70 € para colexiados/as non exercentes.
  • Prazo de matrícula: ata o 15 de outubro do 2019.
  • Lugar de matrícula: http://avogacia.gal/formacion .
  • Remate do curso: 28 de febreiro do 2019.



Para máis información:

Este curso está organizado polo Consello da Avogacía Galega, en colaboración cos Colexios de Avogados de Galicia.

IMPORTANTE: estamos a realizar melloras na plataforma formativa. En breve, poderás descargar as túas facturas de formación desde a propia aula virtual. Por favor, antes de matricularte en calquera curso (que non sexa gratuíto), lembra actualizar AQUÍ os teus datos de facturación. Do contrario, a factura xerada podería presentar información incorrecta, o que suporía varias xestións administrativas.


Acceso á aula virtual

12 de Xullo do 2019: Día da Xustiza Gratuíta e da Quenda de Oficio

O 12 de xullo é a data sinalada cada ano para a celebración do Día da Xustiza Gratuíta e da Quenda de Oficio, para defender e divulgar o labor realizado por todos e todas a avogadas de oficio, 24 horas ao día, 365 días ao ano, a través dos Servizos de Asistencia Xurídica Gratuíta e da Quenda de Oficio. Leer más

Uso de cookies

En esta página web utilizamos cookies para recopilar datos sobre hábitos de navegación consecuencia del uso de cookies analíticas de Google y de redes sociales. Para aceptar su uso pulsa “ACEPTAR”. Más información en la Política de Cookies. ACEPTAR

Aviso de cookies