O 12 de xullo é a data sinalada cada ano para a celebración do Día da Xustiza Gratuíta e da Quenda de Oficio, para defender e divulgar o labor realizado por todos e todas a avogadas de oficio, 24 horas ao día, 365 días ao ano, a través dos Servizos de Asistencia Xurídica Gratuíta e da Quenda de Oficio. Leer más
Categoría: Profesión
Comunicado do Consello da Avogacía Galega sobre a folga de xustiza
Desde o inicio da folga indefinida dos funcionarios de xustiza -da que tivemos noticia a través dos medios-, a avogacía galega mostrou profunda preocupación polas consecuencias que podería provocar no funcionamento dun servizo xa afectado de deficiencias, cuxa corrección vimos demandando desde hai tempo desde os Colexios, Consello da Avogacía Galega, e Consejo General de la Abogacía Española. Leer más
O Tribunal Supremo senta xurisprudencia en materia de gastos hipotecarios
A metade do gasto notarial de constitución da hipoteca corresponde ao banco
O Pleno da Sala Primeira, do Civil, do Tribunal Supremo ven de ditar no día de hoxe, 28 de febreiro de 2018, dúas importantes sentenzas correlativas en materia de consumo, relativas á reclamación á entidade bancaria dos gastos de constitución do préstamo hipotecario aboados polo cliente consumidor. Resólvense así unha parte dos supostos de dúbida respecto á cuestión de a quen corresponde aboar eses gastos, e, esperamos, servirá para diminuir o número de litixios. Algo que non evitou nin a morna actuación da Administración en materia de Consumo, nin a irracional medida da creación, polo CGPJ, dos xulgados uniprovinciais, actualmente recorrida en vía contencioso administrativa polo Consello da Avogacía Galega, perante o propio Tribunal Supremo
Leer más
Novos protocolos de actuación letrada en materia de estranxeiría
O Consejo General de la Abogacía Española (CGAE) acaba de difundir unha circular cos protocolos de actuación letrada en materia de estranxeiría, coordinados pola Subcomisión de Estranxeiría e Protección Internacional. Leer más
Asistencia a refuxiados
O Consello Xeral da Avogacía Española ven de por en marcha un Rexistro de avogados especializados en materia de inmigración e asilo que se porá a disposición das autoridades españolas e da UE para abordar a asistencia xurídica de potenciais refuxiados e persoas desprazadas.
O Consello da Avogacía Galega secunda esa iniciativa e artellará as accións na nosa comunidade autónoma.
Esa asistencia prestarase tanto a nivel nacional e local, como nos denominados hotspots (puntos quentes europeos) para colaborar in situ cos avogados e autoridades dos países afectados se así o demandasen.
Os avogados que desexen formar parte deste rexistro deben dirixirse a registro.asilo@abogacia.es.
