Curso de Ciberseguridade

MATRÍCULA ABERTA

Desde o punto de vista xurídico, a ciberseguridade consiste no conxunto de normas e principios legais que regulan a protección dos sistemas informáticos e da información que se atopa almacenada neles. Isto inclúe o tratamento e protección de datos persoais, a prevención e persecución de delitos informáticos, a responsabilidade civil en caso de vulneración de sistemas, e outros aspectos relacionados coa seguridade da información no ámbito dixital.

Os retos para a avogacía no ámbito da ciberseguridade son diversos, entre eles:

• Coñecemento técnico.
• Actualización constante.
• Interdisciplinariedade.
• Marco normativo complexo.
• Delincuencia dixital.

Polo tanto, o obxectivo deste curso é proporcionar aos avogados e ás avogadas os coñecementos necesarios para comprender os riscos da ciberseguridade e aplicar os mecanismos necesarios para protexer os sistemas informáticos e a información confidencial dos seus clientes.

Características do curso:

• Coordinación: José María Lozoya Pérez, avogado especializado en Dereito das TIC e protección de datos.
• Modalidade: en liña.
• Nº horas: 30.
• Prezo: 30 €, tanto para colexiados/as exercentes coma non exercentes e alumnos/as do Mestrado de Acceso á Avogacía dos Colexios da Avogacía de Galicia.
• Lugar de matrícula: https://formacion.avogacia.gal
• Inscrición aberta e prazo para o remate do curso: 15 de decembro de 2023.

Para máis información:

• Ver guía.
• Contactar co Consello no enderezo electrónico redes@avogacia.gal ou no teléfono 981 121 893.

Este curso, impartido polo Consello da Avogacía Galega, parte dunha colaboración coa editorial Wolters Kluwer, que puxo a disposición do Consello o seu servizo de desenvolvemento de contidos formativos especializados.