A Coruña, 15 de outubro de 2018. O Consello da Avogacía Galega valora de maneira positiva o plan de recuperación da Administración de Xustiza presentado pola Xunta de Galicia co obxectivo de recuperar a actividade atrasada dos xulgados con motivo da folga de Xustiza de meses pasados.
Desde o inicio da folga indefinida dos funcionarios de xustiza -da que tivemos noticia a través dos medios-, a avogacía galega mostrou profunda preocupación polas consecuencias que podería provocar no funcionamento dun servizo xa afectado de deficiencias, cuxa corrección vimos demandando desde hai tempo desde os Colexios, Consello da Avogacía Galega, e Consejo General de la Abogacía Española.
Nota de prensa
A Coruña, 6 de abril de 2018. Na mañá de hoxe tivo lugar o encontro entre a Consellería de Xustiza da Xunta de Galicia e o Consello da Avogacía Galega a raíz da folga da Xustiza en Galicia. No seu transcurso falouse da preocupante situación actual que vive a Xustiza en Galicia.
Nota de prensa
A Coruña, 2 de abril de 2018. Na mañá de hoxe, día 2 de abril, tivo lugar unha xuntanza entre o Consello da Avogacía Galega e o comité de folga de Xustiza, na sede do Consello na Coruña. O presidente do Consello, Félix Mondelo Santos, acompañado polo decano do Colexio de Avogados da Coruña, e coa delegación dos outros 5 decanos e decanas de Galicia, atendeu durante ao redor de hora e media aos representantes sindicais que conforman o comité.
O Pleno da Sala Primeira, do Civil, do Tribunal Supremo ven de ditar no día de hoxe, 28 de febreiro de 2018, dúas importantes sentenzas correlativas en materia de consumo, relativas á reclamación á entidade bancaria dos gastos de constitución do préstamo hipotecario aboados polo cliente consumidor. Resólvense así unha parte dos supostos de dúbida respecto á cuestión de a quen corresponde aboar eses gastos, e, esperamos, servirá para diminuir o número de litixios. Algo que non evitou nin a morna actuación da Administración en materia de Consumo, nin a irracional medida da creación, polo CGPJ, dos xulgados uniprovinciais, actualmente recorrida en vía contencioso administrativa polo Consello da Avogacía Galega, perante o propio Tribunal Supremo
