O próximo martes 4 de marzo, de 16.30 a 18.30 h., Vicente Magro Servet, maxistrado do Tribunal Supremo, impartirá a seguinte conferencia en liña:
A técnica do bo interrogatorio de testigos no xuízo oral: cuestións prácticas
Desenvólvense todas as cuestións que xorden na práctica da declaración testifical no procedemento penal, así como as cuestións relativas á valoración da proba testifical, prestando especial interese na xurisprudencia do Tribunal Supremo actualizada sobre a resposta dada pola xurisprudencia a todas as cuestións que rodean a casuística das testificais.
Pónse de manifesto unha cuestión moi relevante para letrados/as, como é a actuación no xuízo oral destes no interrogatorio de testemuñas e/ou peritos, á hora de descubrir neles os “sesgos” na súa declaración no plenario, co fin de restar valor á versión que ofrecen do que “viron” ou “saben”.
O obxectivo céntrase en resolver todas as dúbidas que poidan xurdir arredor da proba testifical e da valoración que desta levan a cabo os tribunais de xustiza, en relación coas distintas dúbidas que poden xurdir sobre a proposición e práctica da proba, así como o seu rexeitamento por parte dos tribunais de xustiza, as súas consecuencias e a forma de formular a indebida denegación das testificais.
Sobre todo, prestarase especial interese á forma e ao modo en que se desenvolve a práctica da proba testifical no acto do xuízo oral, con consellos sobre a maneira de levala a cabo.
Importancia dos sesgos nas testemuñas que declaran no xuízo oral. Que son? Como se detectan?
1.- A proposición da proba testifical.
2.- A vítima como testemuña no xuízo oral e as súas características.
3.- Valoración da declaración da vítima.
4.- A testifical de referencia.
5.- Correcta proposición da testifical.
6.- A testifical ao inicio do xuízo oral.
7.- O uso do art. 730 da LECRIM.
8.- Como levar a cabo un bo interrogatorio da testemuña no xuízo. Consellos prácticos.
9.- O cross-examination na proba testifical e os seus límites na xurisprudencia.
10.- Xurisprudencia do Tribunal Supremo actualizada sobre a proba testifical.
11.- Importancia dos sesgos nas testemuñas que declaran no xuízo oral. Que son? Como se detectan?
12.- Actuación do letrado/a ante os sesgos das testemuñas no xuízo oral.
Esta conferencia está dirixida exclusivamente ás avogadas e aos avogados pertencentes aos colexios da avogacía de Galicia e ao alumnado do Mestrado de Acceso á Avogacía desenvolvido nalgún destes colexios.
Para a asistencia telemática é precisa a inscrición a través da seguinte ligazón: https://us06web.zoom.us/webinar/register/WN_vKAmeig3Rb2V8VW-EOdGPA
Conferencia impartida por Vicente Magro Servet, maxistrado do Tribunal Supremo e doutor en Dereito, e Álvaro Perea González, letrado da Administración de Xustiza, sobre esta Lei publicada no BOE do 3 de xaneiro de 2025 e que modifica as normas procesuais máis importantes do Ordenamento Xurídico Español.
Analízase a reforma da Lei Orgánica de medidas de eficiencia procesual ao servizo público da xustiza no que afecta á Lei de Axuizamento civil e penal co obxectivo de examinar cales son os aspectos máis relevantes que afectan ao procedemento civil e penal e á implantación dos novos tribunais de instancia.
1.- TRIBUNAIS DE INSTANCIA E REFORMA DA LAC
1.- Análise da nova configuración dos Tribunais de Instancia.
2.- A reforma da LAC na Lei de medidas de eficiencia procesual ao servizo da xustiza.
2.- REFORMA PROCESUAL PENAL
1.- A Lei de medidas de eficiencia procesual no que afecta á nova configuración do momento de resolución da proba ilícita no proceso penal. A nova comparecencia previa ao xuízo oral.
2.- O cambio da conformidade no proceso penal.
3.- As modificacións introducidas na LO de medidas de eficiencia procesual ao servizo da xustiza no procedemento penal.
4.- A xustiza restaurativa introducida na LO de medidas de eficiencia procesual ao servizo da xustiza no procedemento penal.
O Consello da Avogacía Galega, en colaboración con Viaqua, Gestión Integral de Aguas de Galicia, SAU e o Ilustre Colexio da Avogacía de Santiago de Compostela, organiza unhas xornadas que abordarán cuestións de interese e actualidade no ámbito do Dereito Administrativo, afondando en temas como o papel do Consello Consultivo de Galicia na mediación de conflitos coa Administración, as cláusulas sociais e medioambientais na contratación pública, e o impacto da pandemia na xestión das concesións administrativas.
A asistencia presencial será no Colexio da Avogacía de Santiago e está aberta a toda a avogacía galega.
Tamén se facilitará o acceso en liña de forma gratuíta, tanto á avogacía como a calquera outro colectivo interesado na materia.
Xoves, 28 novembro, 18 h. a 20 h.: Prevención de litixios e recursos na Administración Pública: análise e estratexia
Martes, 10 decembro, 18 h. a 20 h.: Desafíos e solucións: equilibrio económico e desindexación
Xoves, 9 xaneiro, 18 h. a 20 h.: Redefinindo o equilibrio entre calidade, sustentabilidade e prezo
O Consello da Avogacía Galega asinou un convenio de colaboración co IGVS (Instituto Galego de Vivenda e Solo), organismo autónomo adscrito á Consellería de Medio Ambiente, Territorio e Vivenda, para crear as canles de información necesarias para evitar que persoas en situación de desamparo perdan a súa vivenda habitual ou, no seu caso, poidan acollerse aos programas existentes en materia de acceso á vivenda, así como para posibilitar que as persoas físicas propietarias ou usufrutuarias de vivendas que sexan ocupadas ilegalmente saiban como actuar ante esta situación.
O Consello da Avogacía Galega asinou un convenio de colaboración coa Vicepresidencia Segunda e Consellería de Presidencia, Xustiza e Deportes para o desenvolvemento de accións de atención profesional a persoas menores de idade vítimas de situacións de violencia.
