O 1 de xullo do 2015 entrou en vigor a Lei Orgánica 1/2015 da reforma do Código Penal.
O Código, aprobado pola Lei Orgánica 10/1995, é obxecto dunha profunda revisión e actualización, adaptándose aos novos tempos: introdúcense novas figuras delituosas e adecúanse os tipos penais existentes para ofrecer unha resposta máis axeitada ás novas formas de delincuencia, ao mesmo tempo que se suprimen infraccións que, debido á súa escasa gravidade, o lexislador entende que non merecen reproche penal.
Os avogados e as avogadas pertencentes ás listaxes da quenda de oficio de estranxeiría deben posuír unha formación suficiente que garanta a prestación da asistencia xurídica gratuíta consonte a uns estándares de calidade axeitados.
O Consello da Avogacía Galega, no exercicio das súas competencias, entre as que se atopan “a formación e perfeccionamento profesional” (artigo 5 do seu Estatuto), presenta a segunda edición actualizada do Curso de Dereito de Estranxeiría, que permitirá ao profesional adquirir os coñecementos necesarios neste eido a través dunha formación homologada, e acreditalo para acceder ás listaxes especiais da quenda de oficio, cando lle fora esixido.
Xornada organizada polo Ilustre Colexio de Avogados da Coruña.
