A presenza da Contabilidade nas Ciencias Xurídicas adquiriu unha gran significación conforme á evolución do mundo dos negocios. Os xuristas precisan comprender a linguaxe contable e ter unhas nocións básicas da técnica rexistral contable, dos estados financeiros das empresas e dos traballos e informes realizados polos auditores de contas. Ditos coñecementos seranlles necesarios para afrontar en moitas ocasións a información financeira publicada polas empresas ou conceptos contables específicos, calquera que sexa a rama do dereito á que se adiquen.
Categoría: Formación
Novo curso de comunicación: Modelo Bridge
ABERTO O PRAZO DE MATRÍCULA PARA AS EDICIÓNS DE FERROL E PONTEVEDRA ATA O 21 DE ABRIL, INCLUÍDO
O Consello da Avogacía Galega organiza unha nova xornada formativa sobre comunicación, a realizar nos Colexios de Avogados de Galicia. Nesta ocasión, tratarase o modelo Bridge, segundo o cal, existen 4 estilos relacionais básicos nos que todos nos podemos enmarcar e que representan formas moi diferentes de comunicarse e relacionarse cos demais.
Curso de Xurisdición Voluntaria
Este curso busca formar aos letrados e letradas nas actualizacións acaecidas pola publicación da Lei 15/2015 da Xurisdición Voluntaria, que desxudicializa determinadas actuacións que antes eran de competencia exclusiva dos xuíces e agora son competencia dos letrados da Administración de Xustiza, notarios e rexistradores da propiedade. Leer más
Curso sobre a Reforma do Código Penal
O 1 de xullo do 2015 entrou en vigor a Lei Orgánica 1/2015 da reforma do Código Penal.
O Código, aprobado pola Lei Orgánica 10/1995, é obxecto dunha profunda revisión e actualización, adaptándose aos novos tempos: introdúcense novas figuras delituosas e adecúanse os tipos penais existentes para ofrecer unha resposta máis axeitada ás novas formas de delincuencia, ao mesmo tempo que se suprimen infraccións que, debido á súa escasa gravidade, o lexislador entende que non merecen reproche penal. Leer más
Curso de Dereito de Estranxeiría 2016
Os avogados e as avogadas pertencentes ás listaxes da quenda de oficio de estranxeiría deben posuír unha formación suficiente que garanta a prestación da asistencia xurídica gratuíta consonte a uns estándares de calidade axeitados.
O Consello da Avogacía Galega, no exercicio das súas competencias, entre as que se atopan “a formación e perfeccionamento profesional” (artigo 5 do seu Estatuto), presenta a segunda edición actualizada do Curso de Dereito de Estranxeiría, que permitirá ao profesional adquirir os coñecementos necesarios neste eido a través dunha formación homologada, e acreditalo para acceder ás listaxes especiais da quenda de oficio, cando lle fora esixido. Leer más
