Skip to main content

Comunicado do Consello da Avogacía Galega sobre a pandemia COVID-19

 
 

COMUNICADO

O Consello da Avogacía Galega, en relación á situación de pandemia por contaxio do coronavirus COVID-19, adoptou no día de hoxe os seguintes acordos:

 

  1. Apoiar as medidas adoptadas polos colexios da avogacía de Galicia, e as que se adopten no futuro, respecto da necesidade de contención da pandemia e da evitación de situacións de risco de contaxio para o público en xeral, o persoal laboral dos colexios e os profesionais. Nese sentido, este Consello entende acertada a suspensión ou cancelación de actos e eventos, a limitación da atención presencial ao público, mesmo as do Servizo de Orientación Xurídica, e aos colexiados/as e as demais medidas no mesmo sentido.
  2. Solicitar ao Tribunal Superior de Xustiza de Galicia a suspensión de todos os actos xudiciais e sinalamentos previstos ata o final do presente mes de marzo, excepto as causas penais con detido ou preso, sen prexuízo de que sexa necesario prorrogar a medida, para non comprometer as medidas preventivas establecidas polas autoridades sanitarias para a contención da propagación da pandemia. Manter a celebración de actos públicos nos edificios xudiciais pon en risco de contaxio ao persoal da administración de xustiza e aos seus usuarios e usuarias, así coma tamén aos profesionais, quen teñen, ademais, que preparar tales actos, celebrar reunións cos clientes, peritos e outros profesionais, e realizar desprazamentos. Actos todos eles desaconsellados polas autoridades sanitarias.
  3. Consonte o expresado no punto anterior, este Consello dirixirá unha comunicación ao Tribunal Superior de Xustiza de Galicia para que, como complemento dos acordos da Presidencia do día de onte, e ao abeiro da Instrución de 11 de marzo do Consello Xeral do Poder Xudicial, acorde ou autorice a suspensión de todos os xuízos, vistas, comparecencias, declaracións e sinalamentos nos xulgados e tribunais de Galicia, con excepción das causas con presos o asistencia a detidos.
  4. Apoiar e amparar aos profesionais da avogacía de Galicia no seu labor de defensa dos dereitos e intereses da cidadanía, en condicións suficientes de salubridade e dignidade e prestarlles o apoio necesario para a efectividade de tal dereito.
  5. Dar difusión aos acordos adoptados.

A Coruña, 13 de marzo de 2020

Descarga documento

 

Lourdes Carballo Fidalgo foi reelexida como decana do Colexio de Avogados de Vigo

O 9 de decembro constituiuse a nova Xunta do Colexio de Avogados de Vigo de forma oficial trala proclamación de Lourdes Carballo Fidalgo de novo como decana, ao non terse presentado ningunha candidatura ás eleccións internas.

Leer más

12 de Xullo do 2019: Día da Xustiza Gratuíta e da Quenda de Oficio

O 12 de xullo é a data sinalada cada ano para a celebración do Día da Xustiza Gratuíta e da Quenda de Oficio, para defender e divulgar o labor realizado por todos e todas a avogadas de oficio, 24 horas ao día, 365 días ao ano, a través dos Servizos de Asistencia Xurídica Gratuíta e da Quenda de Oficio. Leer más

O Tribunal Supremo senta xurisprudencia en materia de gastos hipotecarios

A metade do gasto notarial de constitución da hipoteca corresponde ao banco

O Pleno da Sala Primeira, do Civil, do Tribunal Supremo ven de ditar no día de hoxe, 28 de febreiro de 2018,  dúas importantes sentenzas correlativas en materia de consumo, relativas á reclamación á entidade bancaria dos gastos de constitución do préstamo hipotecario aboados polo cliente consumidor. Resólvense así unha parte dos supostos de dúbida respecto á cuestión de a quen corresponde aboar eses gastos, e, esperamos, servirá para diminuir o número de litixios. Algo que non evitou nin a morna actuación da Administración en materia de Consumo, nin a irracional medida da creación, polo CGPJ, dos xulgados uniprovinciais, actualmente recorrida en vía contencioso administrativa polo Consello da Avogacía Galega, perante o propio Tribunal Supremo
Leer más

Os avogados galegos asesorarán gratuitamente a persoas afectadas por incendios forestais

  • Os Colexios de Avogados de Galicia asesorarán ás persoas afectadas polos incendios forestais producidos o mes pasado en Galicia
  • A iniciativa, que parte do Colexio de Avogados de Lugo, aproveitará a infraestrutura creada grazas a un Convenio asinado coa Consellería de Vivenda da Xunta de Galicia

  Leer más

Uso de cookies

En esta página web utilizamos cookies para recopilar datos sobre hábitos de navegación consecuencia del uso de cookies analíticas de Google y de redes sociales. Para aceptar su uso pulsa “ACEPTAR”. Más información en la Política de Cookies. ACEPTAR

Aviso de cookies